EU Naval Force - Somalia
Operation ATALANTA

Read this page in:

Ciidamada Bada ee Midawga Yurub iyagoo kaashanaya markabka Ciidamada Badda ee NATO ayaa hareereyay markabkab budhcad-badeed la wareegtay shalay subaxdii (15 June 2013) isagoo jooga Gacanka Cadmeed dhexdiisa, saacdo uun kadib budhcad-badeedii dib ayay uga laabteen weerarkooda. 14 badmaaxe oo Hindi ahaana hada way nabadqabaan

Hada ka hor ayay budhcad-badeedu isticmaaleen markabkan oo ah nooca loo yaqaan Dhaw ee xamuulka qaada si ay ugu suurto gasho inay meel fog ku tagaan uguna weeraraan maraakiibta ganacsiga.

Kabtankii markabka shiraaca ah ayaa shalay subaxdii fariin soo diray taas oo uu ku sheegay in ay soo weerareen 12 nin oo hubaysan. Markii ay fariinta maqleen ayaa marbaka HSwMS Carlskrona oo Ciidamada Bada ee boqortooyada Iswidhan leedahay kaas oo taniyo 6 April qayb ka ahaa Hawlgalka Atalaanta ee la dagaalanaka budhacad-badeeda  ayaa aagii xidhay oo ilaa gabalku ka dhacay ishana ku hayay markabka.

Diyaaradb helikobtar ah ayaa iyana dusha kala socotay taas oo keentay in budhcadii culays badan dareeman deedna waxay ka codsadeen kabtankii doonta in uu u dhawaado dhinaca xeebta Soomaalida si ay uga fakadaan xiliga gabaldhaca.

Wax yar ka bacdi, waxay ahayd war farxadle in uu kabtankii doontu shiraacu soo hadlo isaga oo sheegaya in budhacdii ka dagtay iyadoo aanay wax dhaawaci soo gaadhin shaqaalihiisii.

Isaga oo arinta ka hadlayay ayaa Taliyaha Ciidamada Bada ee Midawga Yurub, Admeral Dhexe Bob Tarrant waxa uu yidhi “waxaa muhiimka ahi waa in 14ka naakhuude oo Hindida ahi ay badqabaan ay ku laabanayaan qoysaskoodii argagaxii soo maray ka dib. Weerakan ugu dambeeyayna waxa uu markale muujinyaa in halista budhcad-badeedu tahay mid xaqiiq ah. Waana inaan dhamaanteen ahaano kuwo foojigan”